for rashmi

hatash na ho mitr

mere bachpan ke
bas kuch door

aur abhi hamen chalna hai
chalees ka aankra

to choo chuke hum tum
chakarvyuh bhi saare
shayad cheer chuke
baqui keval khena

kuch aur kishti ko

bas sahil tat hi

to ab lagna hai.

khud ke bhitar
khoj jaari hai
khud ki
man khali hai
kai arman

hain chup!

vartalap

18/04/2008 20:49:20 GMT Daylight Time

dhoop nikalti to kal bhi thi, Umang
shayad rang bhi the aur kayi
San Ramon mein
tumhare ghar aangan mein
magar kasak man ki
astitva ka adhoorapan
chura le gaya woh

pal kuch kal ke
bhav vibhor tumhe karne ka
haq tha un par utna hi

jitna mil raha hai
San Ramon ke is suraj ko.

gilon ke andhkar mein
nahin dhakelthi tumhe main

kadapi yeh dikhla kar, bas
khoye waqt ka ehsaas

dila kar, jeevan ki sulag

lagana hai;
to jeeyo kuch aur
jeeyo man bhar
sirf aaj nahin, par har din
har pal, bharpoor jeeyo kyunki

aaj abhi hai
bas abhi kuch palon mein

ise hi

hamara kal ban jana hai.


...Su Prabhat

18/04/2008 16:26:15 GMT Daylight Time

Subha Prabhat

(yahaan San Ramon ka savera...
Hindi mein likhne ko dil chah raha hai...)

Main hoon hin kushnaseeb...
Yeh San Ramon ka mausam
kitna sukhdai hai
na behad thanda,
na garmi mein lipta hua
ekdum sukoon se bhara

main hoon hin kushnaseeb...
bistar per baithe hue
mehsoos kar rahin hoon
hawwaaon ko
jo hridaya vibhor kar rahin hain;
sooraj ki kirno ko
jo gharon ki chaton ko nehla rahin hain;
dhoop ki khooshboo ko
jo mere antarang mein phael gayi hai;
pedon ki daaliyon ko
jo hawa ki uran mein jhool rahi hai;
panchiyon ke chechehahat ko
jo is mausam ko rangeen bana rahin hain;
in choote chote jantuon ko
jo hare bhare patton per bhoj-paan kar rahen hain;
Aur in sab mein
us Vidhata ko
Jiski shrishti ke raag mein
vibhor hoon aaj.

jitna bhi dhanyavad doon,
woh kam hi to hai.
haan main hoon hin kushnaseeb...

Umang